أفكار في الصندوق المتحرك

!!البوست دا لأغراض الفكاهة فقط و لن يفيد قارئه بأكثر من الضحك شيئاً فالرجاء من الناس المهمة و ما عندها وقت ما تقراهوا 🙂 ههههه حذررررتتتكم
____________________________________

و ها أنا ذا مرة أخرى حبيس في هذا الصندوق المغلق … أحاول أن أقضي وقتي بأي طريقة فتارة آكتل تساليتين و تارة أمسك القلم و أحاول عصر أفكاري لكتابة شيء ما .. أي شيء .. و ها أنا ذا ممسك بالقلم قرابة نصف الساعة و لم يخطر ببالي ما أكتب عنه ..

و حتى حين خطي لهذه السطور لا أدري ما الذي أنا مقدم على كتابته.. فتخطر على بالي فكرة جهنمية .. مقال عن الوطن و الشعور بالإنتماء له “مع إيمان مني بعدم صدق القضية” و فجأة ينقطع حبل أفكاري بصوت المسجل العالي : بحبك حبيبي

و لقيت نفسي بفكر في موضوع الحب و أنا و بعمل سيناريهوات في راسي … فتنحرف السيارة عن المسار فجأة و ينقطع حبل الأفكار و الركاب قلوبهم طلعت بررراااا و أصبحت أنا -سيد جرسة- و الزول الجمبي ننظر في السواق و تهوروا “دا بي إعتبار إني ما قلبت لي عربية قبل كدا ههههه”

و كل رفيقي كل باص و ان هما باصاهما حدابي خوافان..

🙂 و في محاولة أخري مني للتفكير في شي غير الحوادث المرورية هربت للواقع الإفتراضي “و أنا أشفط من الكازوزة” و تحققت كميه كبير من أحلامي البسيطة.. فقد ربحت سحب عربية من سوداني
و أنا في طريقي للمنزل لاقاني بتاع الحركة القطعني إيصال يومداك زااااتوو و إعتزر لي و رجعلي ال30 جنيه و أنا طبعا عملت فيها ما راضي .. المهم لمن وصلت البيت و فتحت التلاجة كان في علبتين شوكلاته جلكسي مافي زول هبشهم. للإحتياط فقط ختيت علبة ورا حلة اللبن

بعدين في وحده كده عاجباني شديد و مكسر فيها و ما قادر أكلما .. المهم لمن قبلت ورا لقيتا خاشا علي و شعرا منكوش و بتكورك فيني مالك ما جبت معاك ال5000560 مليون من بنك الخرطوم

أنا طبعا ضحكت بي صوت خافت ههههه و عرفت نفسي بالغت شويتين كدا .. خاصة في موضوع بتاع الحركة دا ههههههههه فقمت صحيت نفسي من الحلم

و الوقت داك بدا الفلم في شاشة التلفزيون و طبعا قلت خلاس دا حيشغلنا من التفكير في حوادث السير و كدا… أول مشهد طلع كتل و حرب و طلق و حوادث عربات و أنا بي صراااحة كدا مرات أتشهد و مرات أتشهد

أخيرا وقف الباص في التفتيش .. فكانت فرصه للإستجمام و إستعادة الأعصاب .. الحمد لله بتاع الأمن ما جا قراء الكلام الكاتبوا دا … كان يكول الزول دا ضارب سجارة قوية خلاص هههه

يعني الواحد ممكن عادي يمشي و يجي من السفر في يومين.. لو مستعجل هههههههه

و عشان الناس تستفيد وكدا أنا بوصي اي زول قرى البوست دا يوصي السواقين بي ممراعات قواعد المرور

و الله ولي التوفيق

Advertisements

One response to “أفكار في الصندوق المتحرك

  1. Pingback: أفكار في الصندوق المتحرك | Amira·

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s